برج ثور مختصر جائزہ – ثور افراد کیسے ہوتے ہیں

برج ثور مختصر جائزہ

برج ثور مختصر جائزہ – فطری طور پر ثور افراد مضبوط اور عملی ہوتے ہیں. ثور ایک مادی برج ہے. ثور افراد باطن کے صاف اور گفتگو کے سچے ہوتے ہیں. یہ لوگ دوسروں کی ذمہ داریاں بھی اپنے سر لے لیتے ہیں. رومان کے معاملے میں سنجیدہ اور شدید جذباتی ہو تے ہیں
فنکارانہ صلاحیت کی وجہ سے برج ثور کے اکثر افراد تھیٹررنگ منچ اور سکرین کی طرف چلے جاتے ہیں.

برج ثور مختصر جائزہ
21 اپریل تا 21 مئی	تاریخ پیدائش
زہرہ	حاکم سیارہ
روائتی، استقامت، عملی، قبضہ پسند، دوستانہ	خصوصیات
سنبلہ جدی	موزوں برج
برج اسد عقرب دلو	غیر موزوں برج
حمل جوزا سرطان حوت	قابل برداشت برج
میزان قوس	غیرجانبدار برج

ثور افراد کیسے ہوتے ہیں؟ برج ثور مختصر جائزہ

فطری طور پر ثور افراد مضبوط اور عملی ہوتے ہیں. ان کی مسکراہٹ بہت نفیس ہوتی ہے. زندگی کے بارے میں ان کا رویہ بالکل واضح ہوتا ہے. یہ اپنی فطرت کے مطابق دوسروں کے کام آتے رہتے ہیں. اور یہ افراد بے حد وفادار اور محبت کرنے والے ہوتے ہیں. یہ لوگ گھر بنانا جانتے ہیں. انہیں معلوم ہے کہ مکان کے کس گوشے کو کس طرح آرام دہ بنانا ہے. یہ لوگ مہمان نواز ہوتے ہیں اور ان کے دوست و احباب ان کا مہمان بننے کی خواہش کرتے ہیں.

ثور ایک مادی برج ہے

ثور ایک مادی برج ہے اور یہ ظاہری آنکھ سے دیکھی گئی چیزوں سے متاثر ہوتا ہے. مثلا بہت سی ثور خواتین کے لیے کوٹ عیاشی نہیں بلکہ ضرورت ہے. ان عورتوں کو ڈیزائننگ کا جنون ہوتا ہے. ان کو اپنے جسمانی خدوخال کا بھی بے حد فکر ہوتا ہے اور خود کو فٹ رکھنے کے لیے ہر طرح کی کوشش کرتی ہیں.

یہ اکثر اوقات انتہائی خودغرضی کامظاہرہ کرتے ہیں اور اگر اپنی اس عادت پرضبط نہ کر سکیں تو پھر یہ جبل الطارق نہیں ہوتے صرف خود غرض ہوتے ہیں اور خود کو دوسروں سے علیحدہ کرلیتے ہیں. یہ اپنے جذبات کو بڑے تعمیری انداز میں استعمال کرتے ہیں مگر بعض اوقات اسی برج میں ہٹلر جیسےلوگ بھی پیدا ہوجاتے ہیں جو جذبات کا انتہائی منفی استعمال کرتے ہیں.

اس کے مزاج میں سکون نام کی کوئی چیز نہیں ہوتی

ایک منفی ثور انتہائی سرد مہر, ظالم, تشدد پسند اور دوسروں کو اذیت دے کر لطف اٹھانے والا ہوتا ہے. یہ ہر وقت غصہ میں بھرا رہتا ہے اور اس کے مزاج میں سکون نام کی کوئی چیز نہیں ہوتی. یہ لوگ کینہ پرور ہوتے ہیں اور حسد کی آگ میں جلتے ہوے کسی کو گولی مارنے سے بھی گریز نہیں کرتے.

ثور افراد اپنی فطرت کے اس تاریک پہلو سے بہت خوف زدہ رہتے ہیں. یہی خوف انہیں مادیت کی طرف دھکیل دیتا ہے. جہاں انہیں سوائے تباہی کےاور کچھ حاصل نہیں ہوتا. ان افراد میں پھلنے پھولنے کی خواہش یاارادہ بہت کم ہوتا ہے. ان کا مقصد کسی دوسرے کا سہارا ڈھونڈنا ہوتا ہے، تاکہ یہ اپنی ذات کی تکمیل کر سکیں، جسے وہ ادھورا سمجھتے ہیں.

ثور بڑے ذہین ہوتے ہیں

ثور بڑے ذہین ہوتے ہیں. وہ نظریات کو چباتے رہتے ہیں، ان پر غور و فکر کر کے ناپ تول کرتے رہتے ہیں. وہ بھرپور غور و فکر کرنے کے بعد ہی کسی نظریہ کو قبول کرتے ہیں یا کوئی فیصلہ کرتے ہیں. اس طرح ثور کو غصہ بھی بہت دیر میں آتا ہے لیکن ایک دفعہ ان کو غصہ آجائے تو پھر ان سے بچنا بپھرے ہوئے بیل کی ٹکر سے بچنے کے مترادف ہوتا ہے.

عام طور پر ثور افراد عوامی عزت و توقیر اور شہرت حاصل کرنے کی بجائے دولت اور کمائی کو زیادہ پسند کرتے ہیں. ان کو ایک ایسی پوزیشن چاہیے جس میں زیادہ کمائی ہو بے شک عزت کم ہو. وہ ایسی جگہ کو پسند نہیں کرتے جس میں عزت بہت زیادہ ہو لیکن دولت کم ملے. ثور افراد صرف اسی وقت شان و شوکت کو پسند کرتے ہیں جب ان کو یقین ہوجائے کہ اس کی وجہ سے ان کا بٹوہ بھی بھاری رہے گا.

بچوں کو پسند کرتے ہیں برج ثور مختصر جائزہ

ثور افراد بچوں کو پسند کرتے ہیں , لیکن ان کے ساتھ سخت رویہ اپناتے ہیں. رومان کے معاملے میں سنجیدہ اور شدید جذباتی ہو تے ہیں. یہ ایک دفعہ کسی کا لحاظ کر لیں تو ہمیشہ کے لیے کرلیتے ہیں.

فنکارانہ صلاحیت کی وجہ سے برج ثور کے اکثر افراد تھیٹررنگ منچ اور سکرین کی طرف چلے جاتے ہیں. یہ لوگ تجربات سے اس قابل بن جاتے ہیں کہ دوسروں کے کام, معاملات اور مقاصد کو فورا بھانپ لیتے ہیں. اچھی چیزیں خریدنے کے شوق میں بعض دفعہ یہ لوگ خرچ کرنے میں خبطی پن کا مظاہرہ کرنے لگتے ہیں. ان کو چاہیے کہ یہ عادت بنا لیں کہ خوشحالی کے زمانے میں اچھے اور مستحکم کاروبار میں سرمایہ کاری کریں.

ہر قسم کی تبدیلی کی مزاحمت کرتے ہیں

ثور افراد بہت سخت مزاج ہوتے ہیں. وہ ہر قسم کی تبدیلی کی مزاحمت کرتے ہیں کیونکہ اس میں انہیں خطرہ محسوس ہوتا ہے. وہ آہستہ آہستہ آگے بڑھنا چاہتے ہیں. اگر لوگ ان کو تیز چلنے کو کہیں تو یہ ان سے ناراض ہو جاتے ہیں. وہ اس بات کو پسند نہیں کرتے کہ ان سے کہا جائےکہ فلاں کام کرو اور فلاں مت کرو. اور اگر وہ غلطی پر ہوں تو ان کو راہ راست پر لانا بہت مشکل ہوتا ہے.

ان کے اندر زبردست طاقت ہوتی ہے لیکن یہ جائز مقاصد کے لیے اس کو کبھی استعمال نہیں کرتے. اگر یہ اس طاقت کو ایک دفعہ استعمال کرلیں تو پھر ان کو اس کے استعمال کا مزہ آتا ہے. یہ اپنے مقصد کی طرف بڑی ہوشیاری سے آگے بڑھتے ہیں اور بڑی احتیاط سے کام لیتے ہوئے اپنی نظریں ہمیشہ ہدف پر جمائے رکھتے ہیں. ثور افراد محنتی، ذہین, اور مستقل مزاج ہونے کے علاوہ ہوشیار اور چاق و چوبند بھی ہوتے ہیں.

ہر کام آرام سے کرنے کے عادی ہوتے ہیں

یہ کسی کام کو کرنے کا ارادہ کرلیں تو اسے پایہ تکمیل تک پہنچا کر دم لیتے ہیں. ثور افراد ہر کام آرام سے کرنے کے عادی ہوتے ہیں. یہ لوگ دوسروں کی ذمہ داریاں بھی اپنے سر لے لیتے ہیں. ہر کام میں مناسب منصوبہ بندی کرکے اس کا آغاز کرتے ہیں. ثور تصورات پر یقین رکھنے کی بجائےحقیقت پسند ہوتے ہیں اور ہر چیز کو حقیقی نظر سے دیکھتے ہیں.

یہ لوگ باطن کے صاف اور گفتگو کے سچے ہوتے ہیں. یہ آنے والے کل پر نظر رکھتے ہیں. اور مستقبل کی مناسب منصوبہ بندی کے ساتھ ساتھ مستقبل کے لیے بچت بھی کرتے ہیں. یہ لوگ گھر کے ہر فرد کا خیال رکھتے ہیں اور اس کی ضروریات پوری کرتے ہیں. ثور افراد کھانے پینے کے بے حد شوقین ہوتے ہیں اور نفیس کھانے پسند کرتے ہیں. ثور افراد کے اوپر چاند کے شدید اثرات پائے جاتے ہیں.

ضروری گزارش
تازہ تازہ سالگرہ مبارک کی پوسٹ کے ہمارے فیس بک پیج کولائک اور فالو کریں

مزید شاعرانہ پوسٹ کے لئے ہماری پوسٹ پڑھیے
برج اسد مختصر جائزہ – اسد لوگ کیسے ہوتے ہیں